主打躍動時尚的HUAWEI nova 15 Max正式開售，延續nova 系列「活力、年輕、時尚」的設計基因，以8,500mAh巨鯨超大電池帶來全天候續航力，RYYB超清鏡頭令日夜拍攝同樣出色；通過SGS五星防摔認證的玄甲機身讓用戶無懼日常碰撞，加上臻彩OLED 護眼大屏幕及對稱式立體聲雙揚聲器，帶來沉浸影音體驗，配合年輕用戶活躍的生活節奏，全面覆蓋流動生活的多樣化場景。 不論在晚上街景或室內低光環境下，HUAWEI nova 15 Max無需額外補光仍能拍出清 晰亮麗影像。手機支援5,000萬像素RYYB超清後置鏡頭及800萬像素前置鏡頭，在低光環境下依然色彩真實、畫面純淨，配合後置200萬像素景深鏡頭帶來自然的散景效果，輕鬆拍出背景柔和、主體突出的人像照片。前後鏡頭均支援AI XD Portrait人像演算法，智能優化光暗層次，突出拍攝主體，令影像更富立體感。內置AI最佳表情功能更可智能調整人像表情，捕捉自信的一面，令每張合照中每個人均呈現最佳狀態。 配備8,500mAh巨鯨超大電池，帶來可靠的持久續航力，徹底告別每日充電的煩惱。創新Ener

HONOR昨日（4月22日）於香港舉行全球首發記者會，正式推出全新HONOR 600系列手機。系列主打HONOR 600 Pro、HONOR 600兩個型號，明顯瞄準新一代創作者市場，強調透過升級版AI技術，將靜態影像轉化為動態作品。新機由即日起至4月29日於港澳公開預售，並提供多項早鳥優惠。 HONOR 600系列最大賣點，非搭載業界首創並升級的「AI圖轉影片2.0」技術莫屬。跟一般加Filter唔同，佢係透過AI生成模型，只要掟張相上去，再輸入簡單文字指令，就會按指令生成有趣短片。例如把布景版上的煙花圖案變成動態煙花，效果真實，美中不足是運算要相當時間，若快一點會更好。此功能還提供「夢幻同框」、「毛孩擬人」及「萌寵環遊」等預設範本，人同寵物都有得玩。 ▲ AI圖轉影片2.0預載了多個特效範圍，可以人寵一齊玩 ▲ 載入相片後再輸入描述內容，等一會系統就會生成內容 ▲ AI圖轉影片效果一覽 除了AI功能，HONOR 600系列在攝影硬件上亦落足本。系列配備2億像素AI超清夜攝鏡頭，採用1/1.4吋超大底感光元件，透過16合1像素融合技術打造等效2

ASUS收檔唔玩，遊戲手機買少見少，好彩仲有小米POCO撐住。呢個向來標榜「違反市場學」的高性價比牌子，最新推出X8 Pro Max，賣街價三千零蚊，但就塞咗粒3nm天璣9500s同8500mAh巨無霸電入去，擺明車馬想接收班無碇走嘅電競玩家！以下就同大家實測一番！ 外型：金屬邊框加RGB燈 今次POCO擺脫以往嗰種膠味濃嘅感覺，用咗金屬中框配玻璃纖維機背，218g重量揸上手好鬼紮實。最搶眼係機背鏡頭模組嗰兩條「跑道仔」，藏咗組Dynamic RGB燈效，支援多色自訂，聽歌、打機、充電都會閃吓閃吓。雖然邊位方正直角，握得緊會有少少𠝹手，但整體質感對得住呢個價。 屏幕：陽光下都睇到敵人 佢用咗塊6.83吋1.5K AMOLED芒，峰值亮度癲到3500nit，烈日當空打機都仲見到敵人喺邊。120Hz刷新率、3840Hz PWM高頻調光，仲有德國萊茵三重護眼認證，長時間捱夜打機都冇咁易眼攰。 效能：跑分直逼旗艦 散熱交足功課 講到核心，X8 Pro Max全球首發MTK天璣9500s處理器，3nm製程加「4+4」全大核架構，Antutu跑分輕鬆突破2

2億像素（200MP）手機在香港市場的價格跨度相當大，平可以兩三千蚊有交易，但處理能力有限，副鏡頭又相對雞肋；貴則要八九千蚊甚至上萬元，鏡頭、屏幕、處理器都係最勁，但致命傷係「貴」。OPPO新推出的Reno15 Pro Max 5G定價介乎兩者之間，有2億像素鏡頭的同時，其他規格都唔弱，究竟值唔值得入手，即刻測試一下！ 先講影相，Reno 15 Pro Max相當落本，直接用上一套相當奢華嘅三鏡組合：主鏡頭係2億像素（1/1.56"感光元件），配搭5000萬像素超廣角，仲有唔少中階機未必有嘅5000萬像素3.5X遠攝潛望鏡。齋睇牌面，由wide到tele都齊章，日常snap夠晒用。 實試主鏡頭，色彩還原度高班，日光日白之下，層次感分明，尤其係光影過渡自然，冇硬推 HDR嗰種味精感覺。至於超廣角鏡，質素同樣交足功課，邊位變形控制得比上代明顯有進步，放大100%睇，成像依然實淨，冇散修修，對於鍾意影建築物或者大景嘅用家嚟講，呢個位值得加分。 講到粒3.5X長焦，的確係呢個價位嘅「稀有物種」。實拍所見，細緻度同色彩表現都算可圈可點，測試喺50倍變焦下，

萬眾期待，Samsung Galaxy新旗艦S26系列終於登場。講到明「銀河AI」再進化，仲要成個Perplexity AI融入系統咁話，睇個款就似想挑戰手機界嘅「智能擔當」。不過講到最搶Fo，肯定係全球首創嘅「Privacy Display」防偷窺芒，聽落堅過貼磨砂貼，但實際係咩玩法？今次就同你逐一拆解。 先講成員，今代有Galaxy S26、Galaxy S26+及Galaxy S26 Ultra三員，屏幕分別6.3吋、6.7吋及6.9吋，當中Ultra獨家內置S-Pen，而且厚度只有7.9mm，是首個厚度低過8mm嘅Ultra機型。外型方面，全系列來個「微整形」，邊位收圓少少，薄咗輕咗，個鏡頭模組就變咗藥丸形，驟眼睇更加醒目。 ▲S26 Ultra (左)、S26+ (中)、S26 (右) ▲S26 Ultra只有7.9mm厚，並可插S Pen 全線採用Snapdragon 8 Elite Gen 5 for Galaxy晶片，以Ultra為例，CPU性能提升19%，GPU提升24%。散熱系統亦翻新過，採用重新設計嘅Vapor...

美國傳奇結他品牌Fender踩過界，唔再淨係玩樂器，近日正式殺入競爭激烈嘅個人音響市場，推出品牌史上首款主動降噪頭戴藍牙耳機Fender Audio MIX。呢個喺音樂界叱咤超過70年、陪住無數神級樂手走過巔峰嘅名字，今次將佢嘅「美式音色DNA」一次過注入耳機之中。唔少行內人同樂迷都問：呢副索價近兩千銀嘅耳機，係情懷加持，定係真有料到？ ▲ 備有 Skyscraper Black都市黑及Olympic White奧林匹克白兩色。 講到Fender，你腦海一定會響起經典電結他嘅Crunch音色。今次這個副Audio MIX耳機，就標榜承傳呢份血統。佢用上40mm石墨烯單元，調音據講由Fender聲學團隊親自操刀，呈現所謂嘅「美式音效」：低頻飽滿彈牙，還原鼓同Bass嘅衝擊力；中頻人聲溫暖細膩，聽藍調爵士味道啱啱好；高頻就追求清澈唔刺耳。小編試聽，聲底有活力，聽Rock同流行曲感染力強，似將部經典Fender音箱戴喺頭上。 功能上，MIX最大賣點係提供多達四種連接方式，喺市場上較為罕見。除咗基本藍牙5.3同3.5mm有線，重支援USB-C數位有線連接

瑞典音響品牌MONDO by Defunc，向來以藝術、文化、音樂、時尚融為一體嘅個人音響產品聞名。繼MONDO ON-EAR Freestyle貼耳藍牙耳機成為街頭必備單品後，品牌再推進化版MONDO ANC Headphones主動降噪頭戴式藍牙耳機，將80年代經典外形注入現代科技，當中更有工業風爆燈嘅透明款式，潮流玩家掛頸耳機又多一個好選擇。 耳機外型延續品牌的80's風格，採用簡約工業設計，細節位滿滿驚喜，例如磁吸式可換耳罩，支援4種顏色及物料，拆裝清潔或轉色超方便。實測耳罩舒適耐戴，長時間唔焗耳。耳機側面的收音咪加入金屬柵格點綴，另有滑動式音量調校同旋鈕操控，靈感來自音樂工作室，完美保留復古味。內裡升級6支收音咪，收集環境聲音，提供清晰通話品質，即使喺鬧市或車廂，都能隔絕噪音，通話如面對面。 顏色共有四個選擇，融合不同物料色系，當中包括石墨色、黑色、米灰及透明。個人最Like透明款，能夠看到內構零件，極具舊年代電子產品的科技感，而耳墊及頭帶則採用皮革物料，跟透明設計出奇地夾！ 耳機支援ANC主動降噪，四段模式自由切換，如ANC模式隔絕外

作為摺疊手機的推動者之一，HUAWEI再推摺疊旗艦 HUAWEI Mate X7，內置摺疊玄武架構及代紅楓影像系統，硬淨度及拍攝能力都有所提升，呢家訂機仲有折扣優惠同禮物送，即睇！ HUAWEI Mate X7今代有三隻色，寰宇紅及曜石黑版本採用素皮材質，而新色錦白則汲取東方「錦纖」傳統美學融入背板，帶來納米纖維經緯交織，呈現光影流動變幻有致的特別效果，個人認為三色中最靚最特色。機身則貫切纖薄傳統，摺疊時厚9.5mm，展開時只有4.5mm，加上235g重，握感在大摺機來說相當好。 ▲ 備有 寰宇紅、雲錦白、曜石黑三色 ▲ 展開時厚度只有4.5mm Mate X7內置摺疊玄武架構，內屏用上業界首創的三層複合超韌結構，巧妙結合非牛頓流體防護層、UTG抗衝擊層和碳纖維支撐層，抗衝擊性較上代提升20%，耐彎折能力提升100%，從根本上解決了摺疊屏往往易碎、易折痕、易老化的技術難題。外屏配備第二代玄武鋼化昆侖玻璃，有效抵禦日常刮擦、碰撞及跌落，結合由超高強度鋼材打造的「超可靠精密鉸鏈」與航天級鋁合金中框，確保摺疊機身的堅固性與耐用度。防水亦唔差，支援IP5

小米今日宣布於國際市場正式推出REDMI Note 15 Series，全系列共四款機型，包含REDMI Note 15 Pro+ 5G、REDMI Note 15 Pro 5G、REDMI Note 15 5G及REDMI Note 15。今次同大家實測定位最高的REDMI Note 15 Pro+，耐用度一絕，難怪官方以「小金剛」稱呼它，即睇有幾硬淨！ REDMI Note 15 Pro+ 5G及REDMI Note 15 Pro 5G均通過SGS Premium Performance認證，驗證其在抗摔、抗壓及抗彎方面的卓越表現。兩款機型均採用REDMI Titan Structure鈦金級結構設計，結合高強度主機板、加固中框及多層緩震結構，並配備Corning Gorilla Glass Victus 2，整體結構可通過最高2.5米高度跌落測試認證。 REDMI Note 15 Pro+ 5G更進一步採用超高強度玻璃纖維背板，在不增加多餘重量的情況下，有效提升衝擊吸收能力。實測用來敲碎合桃，機身依然絲毫無損。 ▲ 手機夠晒硬淨，用來敲合桃

HTC好耐無係香港推出新產品，等咗咁耐最近終於有新嘢玩，它就是品旗下首款AI 眼鏡VIVE Eagle。眼鏡大走Hi-Fashion路線，重量與設計皆為亞洲人而設，仲支援一系列語音操控功能，究竟實際玩落係點﹖即睇！ 坊間唔少智能眼鏡都科幻味濃，諸如Apple Vision Pro或Samsung Galaxy XR，惟縱然擁有N項功能，但大大部加上外型太Sci-Fi，坦白講小編就未見過人戴出街。VIVE Eagle首要任務，就係讓人願意戴出街，首先它外型跟一般眼鏡無異，採用半透明膠框並提供黑、灰、咖啡、紅四色，擺脫以往科技產品嘅「宅味」。 ▲ 外型跟一般「黑超」無咩分別 ▲ 共推出紅、咖、灰、黑四款配色，包括太陽眼鏡及抗藍光透明鏡片款式 另外它提供M、L兩個尺碼，機身輕至49g，同時搭配可調式鼻墊與符合亞洲人臉型的人體工學鏡架，戴足一日都唔會覺累贅。更貼心嘅係，佢嘅鏡腳設計預留空間，可以俾任何眼鏡舖師父隨意調整鬆緊、彎曲角度，同配一副普通眼鏡流程完全一樣。用家仲可以自行配上有度數嘅鏡片，近視、散光都無問題。出廠佢有ZEISS太陽鏡片及抗藍光透明鏡