MR 魂龍王丸突發登場！網民唔收貨：「出嚟做乜？」
- hipsternow
- 1月29日
- 讀畢需時 2 分鐘
《魔神英雄傳》是很多人的集體回憶，潮語「機會嚟喇！飛雲！」就是龍神丸及復活版龍王丸的招牌對白。如此經典的機體，自然吸引到 Bandai 出完又出，繼 Robot 魂及 Metal Build 後，日前失驚無神推出 Metal Robot 魂的龍王丸，繼續賣情懷欲打劫玩家荷包，但觀乎網民反應似乎唔收貨！
龍王丸出現在《魔神英雄傳》故事後段，是龍神丸與空神丸靈魂合一後的新形態，擁有超越前者的強大戰鬥力，又能變為鳳王而獲得高速飛行能力。合體外形有變，主色亦由藍變白，其武器鳳龍劍蘊含極寒及熾熱之力，龍王盾則能抵擋任何攻擊，加上鳳龍彈、鳳雷炮等絕招，屬後期最「屈機」的主角機之一。
今次是龍王丸首次以 MR 魂形式出現，本體高約 100mm，Size 跟 R 魂版差不多，但比例及關節均經過改良，最重要是金屬色零件全改用電鍍塗裝，天線、肩甲龍紋、劍身及鞘盾呈現純淨的黃金色澤，在燈光照射之下，金屬質感更加突出。官方指是要重現當年的動畫色調，像真度的確稍勝膠感的 R 魂版本。
此作一如同系加入合金關節，拿上手具一定重量，而且比起過去的 R 魂，這次手部可動性大解放，共設有 3 個關節，大幅提高了活動範圍，可擺出胸前拔劍的中二姿勢；更狂的是隨附鳳龍劍特效配件，可重現一劍劈出的特效，恍如從動畫跳出來現實一樣！
這款龍王丸一樣可變身為鳥形的鳳王丸，雖然仍要拔插少量零件才能成形，但鳳頭加入了軸關節，雙翼與雙腿可以張開，鳥咀可以打開發射「凰雷波」，甚至可把鞘盾放在背上。配件方面有交換用手腕左右各 3 隻、鳳龍劍、龍王盾、寶龍拳特效配件及專用底座 1 套。
此作預計今年 7 月發售，參考售價為 23,100 日圓，折約 HK$1,153。坦白講定位相當尷尬，雖然材質及塗裝有所改良，但外觀跟 7 年前 R 魂太似，但售價卻貴上許多，另一邊廂又唔夠 MB 大隻及魔改咁有 Heart，難怪有網民都指「唔知出來做乜」、「MR 魂真係多嚿魚」、「呢口價出 MB 抵玩啲」。建議有心買不如先觀望，等賣街時看開箱文再決定，又或等二手市場大劈價才入手未遲！
撰文：本香猛
Comments