HONOR MagicBook Art 14評測：輕薄有力，跨平台互聯幫到手

HONOR 近年除咗喺手機市場不停出新花樣，喺筆電領域都開始有自己嘅玩法。今次登場嘅MagicBook Art 14，明顯針對專業人士同內容創作者，強調輕薄機身加埋AI功能，無論外觀設計、屏幕效果，定係日常工作表現，都值得同大家分享。

MagicBook Art 14第一個感覺就係「輕」，機身厚度只有約 1cm、重量大概 1kg，對成日帶機出街嘅人嚟講，呢個重量同厚度真係幾吸引。

▲MagicBook Art 14輕薄得嚟有質感。

▲厚度只有約 1cm，加上大概 1kg重量，隨身攜帶無負擔。

▲鎂鈦合金外殼有金屬觸感。

屏幕唔細，達到14.6吋之大，而且是3.1K OLED觸控屏，有3,120 × 2,080解像度同 3:2比例屏幕，最高有1,600nits亮度。屏幕亦內置多項護眼功能，以及TÜV Rheinland硬件級低藍光護眼認證同無閃屏認證，長時間對住屏幕都唔覺太攰。

▲配備14.6吋3.1K OLED觸控屏。

▲屏幕有極高的顯示質素，色彩層次分明。

▲鍵盤配有特大觸控板，仲可經觸控版上直接調校屏幕亮度同音量。

▲鍵盤右上角有指紋感應器。

▲內置六揚聲器加三個咪，配合HONOR自家空間音效技術，聽歌或者睇片都有一流音效。

性能方面，採用Intel Core Ultra 7處理器，配合Intel Arc GPU、32GB RAM同1TB SSD。日常開十幾個瀏覽器分頁、同時處理 Word、PowerPoint，依然順暢。

▲MagicBook Art 14採用Intel Core Ultra 7處理器。

▲Webcam用隱藏式設計，有需要時先拎出嚟用。

▲Webcam以磁吸式設計，仲可以正反面用。

▲機身設有兩個USB Type-C介面。

▲雖然厚度只有1cm，但仍然有齊HDMI、USB及3.5mm耳機介面。

▲跨平台互聯功能，支援 Android、iOS、Windows、HarmonyOS 等，可以將電腦嘅檔案快速傳送。

▲可以將手機屏幕分享到PC、PC到平板或摺疊手機，甚至PC至智能電視。

▲支援空間音訊，配合內置六個揚聲器可加強音效。

▲搭載HONOR Turbo X電源調整技術。

▲屏幕內置多項護眼功能。

▲提供多款色域顯示標準選項。

至於售價，MagicBook Art 14 2025建議零售價HK$11,999，設有摩卡棕配色及32GB + 1TB版本，買機附送HONOR黑色菱格背包。

總結︰真正適合專業人士

用落幾日之後，MagicBook Art 14 畀到小編嘅印象係輕薄設計方便攜帶，OLED屏幕顯示舒服，跨平台互聯功能實用，效能同散熱交到功課，音效同續航都有驚喜。 唔止係一部「靚仔」筆電，而係一部真正適合專業人士同創作者用嘅工具。