試玩Amazfit T‑Rex 3 Pro：雙色電筒+路線規劃=跋山涉水好拍擋

最近高強度運動智能手錶又熱鬧起來，繼Apple Watch Ultra 3後，Amazfit日前亦發表了T-Rex 3 Pro，承襲系列嘅硬淨風格及超長氣優點，仲首創手錶直接規劃訓練路線功能，完全為滿足高要求嘅運動愛好者而設！

此錶最大賣點是智能路線規格，只要預先下載全彩離線地貌圖，打開手錶地圖App，輸入目標方向同距離，或者直接點選地圖上嘅興趣點（POI），系統就會自動為你設計一條專屬行山、跑步或單車路線，航操作簡單直接，就算未用過GPX路線檔案都零難度，對新手極之友善！萬一行行下偏離原定路線，系統即刻自動重新規劃，配合屏幕轉向提示同語音提醒，從此唔使再頻頻拎電話出嚟睇地圖。比起上一代，地貌圖同等高線顯示更精細清晰，大大減低迷路風險！

▲智能路線規劃功能，由系統自動設計一條行山、跑步或單車訓練路線。

為應付各種戶外環境，T-Rex 3 Pro特別加入高亮度白光與低干擾紅光雙色照明燈。夜晚行山或者越野跑時，如果頭燈或手機突然壞咗，只要長按左上角實體鍵，就可以即時啟動照明燈睇清環境。雖然係手錶燈，但亮度高達300流明，必要時更可啟動SOS警示閃爍功能，提升夜間被搜救機會。而紅光模式就非常適合夜攝或生態觀察，例如影流星、螢火蟲時使用，唔會影響其他人同自然環境！

▲配有高亮度白光燈，亮度高達300流明。

▲低干擾紅光雙色照明燈，適合夜攝或生態觀察。

此錶的48mm版本配備1.5吋高清AMOLED屏幕，44mm則用1.32 吋，峰值亮度大幅提升至 3,000nits，就算喺烈日、雪地或海邊反光環境下，畫面依然清晰可見。屏幕升級採用藍寶石玻璃，硬度僅次鑽石，有效抗刮抗撞；錶圈更用上鈦合金材質，輕身又堅固，整體耐用度同質感再升呢！加上加厚抗撞結構同密封設計，就算面對溫差、濕熱或沙塵環境都一樣穩定運作。操控方面亦非常貼心，四個實體鍵加觸控屏幕，就算戴住手套或者濕手操作都一樣準確流暢。

▲備有48mm(右) 、44mm(左)兩個版本，分別配備1.5吋及1.32吋高清AMOLED屏幕。

▲屏幕升級採用藍寶石玻璃，硬度僅次鑽石。

▲四個實體鍵加觸控屏幕，就算戴住手套或者濕手操作都一樣準確流暢。

▲四個實體鍵加觸控屏幕，就算戴住手套或者濕手操作都一樣準確流暢。

它支援超過180種運動模式，包括跑步、越野、單車、游泳，仲係HYROX體能挑戰官方合作夥伴！今代更加入休閒水肺潛水模式，支援10 ATM防水同雙認證，最深可潛至45米。潛水時會顯示多項關鍵數據，例如下潛/上升速率、安全停留等，配合3,000 nits亮屏，水底資訊一目了然！跑步訓練亦新增多項動態評估指標，如垂直振幅、觸地時間同步幅等，配合心率區間同訓練負荷監測，助用戶以科學方式持續進步。

▲支援10 ATM防水同雙認證，最深可潛至45米。

▲HYROX體能挑戰官方合作夥伴，提供HYROX訓練模式。

健康功能方面，它搭載BioTracker 6.0 PPG生物感測器，可以24小時追蹤心率、血氧同壓力水平，並分析睡眠質素，評估身心狀態同訓練準備度。今代更新增BioCharge身體電量指數，整合睡眠、HRV、運動負荷同日常活動數據，全面掌握身體狀況！如果系統偵測到過度訓練，會即時發出提示，等你適時休息恢復。配合Zepp Coach更可取得個人化訓練建議，助用戶持續穩定進步。如果配合同廠Helio Strap智能手帶，數據準確度更可進一步提升！

▲搭載BioTracker 6.0 PPG生物感測器，可以24小時追蹤心率、血氧同壓力水平。

它內置6大衛星系統同圓極化天線，抗干擾能力更強，即使面對太陽輻射、烏雲或極光等環境，定位依然快速準確。電池續航力亦大幅升級，日常使用最長可達25日；開啟GPS省電模式更可使用116小時，足夠應付兩至三日超級越野賽或多日露營行程。相比上一代，Pro版喺定位同耗能管理上更精細，透過智能衛星採樣同動態刷新率，保持軌跡準確之餘更慳電！

Amazfit T-Rex 3 Pro已經喺香港正式開賣，48mm版本有戰術黑同黑金兩色可選，黑金色將於 TechLife by fortress門市及網店獨家優先發售；44mm的北極金同黑金色就會喺11月推出。建議零售價為 HK$2,898。特別一提，由即日至10月31日，首100名惠顧Amazfit T-Rex 3 Pro的客戶可到指定地點免貴換領價值HK$536的手錶支架充電座一枚及Amazfit原廠HYROX錶帶一條。

▲首100名惠顧Amazfit T-Rex 3 Pro的客戶可到指定地點免貴換領價值HK$536的手錶支架充電座一枚及Amazfit原廠HYROX錶帶一條。